पुणे : मराठी विज्ञान परिषदेचा पुणे विभाग, इंडियन इन्स्टिट्यूट ऑफ सायंटिफिक अँड एज्युकेशनल रिसर्च (आयसर) आणि गरवारे महाविद्यालय यांच्या संयुक्त विद्यमाने आयोजित करण्यात आलेल्या ‘सायन्स गप्पा’ या कार्यक्रमात, विज्ञानप्रेमींना आयसर येथील शास्त्रज्ञ डॉ. रजनी पंचांग यांच्याशी संवाद साधता येणार आहे. ११ ऑगस्ट २०१७ रोजी सायंकाळी सव्वासहा वाजता कर्वे रस्त्यावरील गरवारे महाविद्यालयाच्या सभागृहात हा गप्पांचा कार्यक्रम रंगणार आहे.
डॉ. पंचांग ‘ओशियनोग्राफी’ या विषयावर गप्पा मारणार आहेत. त्यामध्ये समुद्र, महासागर यांची गुणवैशिष्ट्ये, आश्चर्यकारक संरचना आदी गोष्टींबाबत चर्चा होणार आहे. हा कार्यक्रम सर्वांसाठी विनामूल्य खुला आहे. ‘अधिकाधिक विद्यार्थी, नागरिक यांनी यात सहभागी व्हावे,’ असे आवाहन मराठी विज्ञान परिषदेचे कार्याध्यक्ष यशवंत घारपुरे यांनी केले आहे.
सायन्स गप्पा - ओशियनोग्राफी
दिवस : शुक्रवार, ११ ऑगस्ट २०१७
वेळ : सायंकाळी सव्वासहा
स्थळ : गरवारे महाविद्यालयाचे सभागृह, कर्वे रस्ता, पुणे
